ВИДЕО | Горан Пандев: Децата ми рекоа дека е подобро да се вратиме во Струмица, отколку да живееме во Милано
Горан Пандев, откако ја заврши фудбалската кариера како играч, продолжи да живее во Италија, во градот Џенова. Во емисијата „Еден на Еден“ со Жаре, во вториот дел од разговорот кој се емитуваше на ТВ Канал 5 во неделата, Пандев раскажа:
– Во Италија живееме, децата таму одат во школо, си имаме наш стан. Моите деца се родени во Италија: Фичипо во Милано, Ана во Наполи, Софија во Џенова. Осум години таму, пријатели имаме, како да сме дома. Останавме повеќе поради децата, бидејќи таму се навикнаа на училиште, имаат другарчиња. Мојата желба беше да живееме во Милано, почнав да работам и на телевизија како стручен коментатор, но тешко е да одиш од Џенова до Милано, завршуваш во 4 наутро… Сакав таму да почнеме да живееме, во Милано. Децата не сакаа, нема шанси. Поарно да се вратиме во Струмица, ама не одиме во Милано“, му рекле децата на Пандев и затоа ја избрале Џенова.
Целиот разговор со Пандев во „Еден на Еден“, (вториот дел) е достапен на јутјуб каналот на емисијата на овој линк:
(Комерцијален текст)
