Во петтото претпоследно коло од групата „3“ во Б сегментот во Лигата на нации репрезентацијата на Босна и Херцеговина триумфираше во Зеница со 1:0 над Црна Гора.

Победата за Босанците за враќање во Лигата „А“ ја донесе Демировиќ по асистенцијата на Џеко непосредно пред крајот на првото полувреме (45+1`).

Во вториот меч од истата група Финска пред своите навивачи ремизираше 1:1 против Романија. Пуки (12`) донесе предност за домаќините, а гостите израмнија преку Танасе (52`).

На табелата Босанците се сигурно први со 11 бодови, пред Црна Гора со седум, пет има Финска, а последна е Романија со четири.

Селекцијата на Естонија се врати во Лигата „Ц“ по триумфот дома над Малта (2:1). Во групата „2“ од последниот Д сегмент Сапинен стрелаше за 1:0 за домашната селекција пред крајот на првото полувреме, а пред тој погодок кај гостите црвен картон доби Борг. Израмни Малта од пенал во 51 минута преку Теума, а победата за Естонците ја донесе Аниер во 86 минута.

На табелата води Естонија со девет бодови, пред Малта (6) која ги одигра сите мечеви, а последен е Сан Марино без бодови. Во последниот дуел од групата на 26 септември Сан Марино ќе ја пречека Естонија.