Најдобриот светски тенисер Новак Ѓоковиќ во второто коло на турнирот од серијата 500 во Дубаи го совлада Карен Хачанов од Русија со резултат 6:3, 7:6 (2) за еден час и 39 минути игра.

Ова беше нивни седми дуел и шести триумф на српскиот играч. Ѓоковиќ во четвртфиналето ќе се сретне со Јиржи Весели, кој го изненади Роберто Баутиста Агут – 6:2, 6:4.

Ѓоковиќ доминираше во поголемиот дел од мечот, особено во првиот сет, а доволен му беше брејк во четвртиот гем да дојде до клучна предност. Во вториот сет имаше многу поголема борба.

Првиот тенисер во светот во третиот гем по вторпат му го одзеде сервисот на противникот, но Русинот оттогаш играше многу подобро и поагресивно.

Хачанов не искористи три брејк топки во следниот гем, но тоа го направи во осмиот гем – 4:4. Српскиот ас остана фокусиран, во следниот гем имаше две шанси да му го одземе сервисот на ривалот, но не успеа.

Крајот на мечот во Дубаи беше навистина квалитетен и возбудлив, Ноле двапати сервираше за да остане во сетот, а потоа во тој брејк ја заврши задачата.

АТП турнир Дубаи 2022

Среда, резултати –

Хуркач – Молчан 6:3, 6:2
Мареј – Синер 5:7, 2:6
МекДоналд – Крајиновиќ 6:4, 7:6 (7)
Квон – Рубљов 6:4, 0:6, 3:6
Попирин – Беранкис 4:6, 6:7 (7)
Ѓоковиќ – Хачанов 6:3, 7:6 (2)
Весели – Баутиста Агут 6:2, 6:4

Четвртфинале, двојки

Ѓоковиќ – Весели
Беранкис – Даниел/Шаповалов

Хуркач – Синер
МекДоналд – Рубљов