Денеска во рамките од 21 коло во најсилното кипарско првенство составот на АЕК Ларнака со резултат 3:1 на домашен терен го совлада Ермис.

Домаќините стигнаа до трите бода најмногу благодарение на македонскиот репрезентативец Иван Тричковски кој реализираше хет-трик.

Иако гостите први поведоа со голот на холандскиот интернационалец Валпорт во 19 минута, следуваа трите голови на нашиот играч. Тричко најпрвин израмни во 23 минута, па донесе предност во 29 минута, а конечниот епилог го постави непосредно пред паузата (45+1`) од пенал.

Во домашниот состав Тричковски и Даниел Мојсов го одиграа целиот меч, додека Стефан Спировски настапи од 67 минута.

На табелата АЕК Ларнака е на петтата позиција после 10 триумф сезонава со 34 бодови.