Разделбата на колумбиската пејачка Шакира и нејзиниот долгогодишен партнер, шпанскиот фудбалер Жерар Пике со месеци е главна тема во естрадните медиуми.

Иако имаме впечаток досега дознавме сè за нивните проблематични семејни односи и за аферата на Пике, сепак сè уште излегуваат нови детали кои укажуваат дека нештата меѓу Шакира и Пике не биле добри подолго време.

Во последните неколку дена, на социјалната мрежа Твитер се појави стара снимка на која мајката на Пике, Монсерат Бернабеу делува како да се расправа со Шакира.

Имено, таа во еден момент ја фаќа Шакира за устата и ѝ дава знак да замолчи, додека Пике, кој е во нивно друштво, не реагира на однесувањето на мајка му.

Обожавателите на латино ѕвездата се ужаснати од оваа постапка на Монсерат Бернабеу и остро ја критикуваат, коментирајќи дека физичкото насилство е неприфатливо. Исто така, тие се разочарани од Жерар Пике бидејќи не се потрудил да ја одбрани својата партнерка во тој момент.

I am fuming.

You had me fooled Mr. Piqué and Mrs. Montessori you as well.

DTA. pic.twitter.com/JDMykFqX1d

— Asandé (@kewchiy) January 23, 2023

Како потсетување, Шакира и Пике беа заедно од 2011 година и имаат две деца – деветгодишниот Милан и седумгодишниот Саша.

Веста за нивното разделување ја споделија во јуни минатата година, со официјално соопштение објавено од нејзината агенција.

„За жал, потврдуваме дека нашите патишта се разделуваат. За доброто на нашите деца, кои се наш најголем приоритет, бараме да ја почитувате нашата приватност“, стоеше во нивното соопштение.

Повеќе на темата:

Шакира е скршена: Љубовницата на Пике им спиела во семејниот дом уште во 2021 година

Романтична прошетка на Пике и новата девојка, за која вели дека е „поразбирлива“ од Шакира

Шакира за разделбата со Пике: Ова е најмрачниот период од мојот живот