Европската комисија (ЕК) попладнево даде дозвола за употреба на вакцината против ковид-19, произведена од американската компанија „Фајзер“ и нејзиниот германски партнер „Бионтек“.

Ова пишува „Ројтерс“ е последниот чекор со кој се дозволува старт на вакцинацијата во Европската Унија (ЕУ).

ЕК одобрението го даде неколку часа откако претходно во текот на денот таква одлука препорача Европската агенција за лекови (ЕМА).

Ова е прва одобрена вакцина против ковид-19 во Европа.

Today we add an important chapter to a European success story, by making available the 1st #COVID19 vaccine for Europeans.

More will come.

It will be available to all EU countries at the same time, on the same conditions #EUvaccinationdays https://t.co/4Xa17PQkMv

— Ursula von der Leyen (@vonderleyen) December 21, 2020

Претседателката на ЕК, Урсула фон дер Лајен, на прес-конференција ги потврди наводите на ЕМА дека оваа вакцина е безбедна и ефикасна и порача дека истовремено ќе биде достапна за сите во истовремено, и вакцинацијата ќе може да почне во сите земји-членки од 27 декември.

– Првата испорака ќе тргне од фабриката на Фрејзер во Белгија во следните неколку дена. Заедно сме во ова, а вакцинацијата може да почне истовремено во текот на ЕУ деновите за вакцинација од 27 до 29 декември, истакна Лајен.

Вакцината на „Фајзер“ и „Бионтек“ е ефикасна 95%, додека таа на „Модерна“ 94%.