Јутјуберот и инфлуенсер, Џејк Пол, синоќа во Тексас, САД, со едногласна одлука на судиите го совлада легендарниот боксер Мајк Тајсон.

Судиите бодуваа 80-72, 79-73 и 79-73 во корист на Пол. Според проценките, Тајсон после оваа борба ќе заработи околу 20 милиони долари, додека Пол двојно повеќе.

Во текот на мечот Пол беше подобар и ја покажа разликата во годините меѓу двајцата боксери.

Тајсон добро се држеше во првите две рунди, но од третата до крајот беше очигледно дека му беше сè потешко да го следи ритамот на борбата.

– Среќен сум. Дојдов да се борам. Никому ништо не докажав освен себеси. Јас не сум од оние луѓе кои живеат за да му угодат на светот, само го правам она што можам – рече Тајсон.