Во Америка сè почесто се снимаат средби меѓу мечки и луѓе, имајќи предвид дека овие животни се селат од нивните природни живеалишта во населени места.

Во американската држава Конектикат во градот Симсбери, едно семејство било непријатно изненадено кога црна мечка влегла во нивниот двор.

Кристин Ли и членовите на нејзиното семејство уживале во сончевиот ден во градот, сè додека нејзиниот деветгодишен син не забележал мечка која полека се движи кон нив. Синот веднаш побегнал, а набрзо по него тргнал и остатокот од семејството. Ли рече дека мечката не се интересирала за нив, а снимката од безбедносната камера која го снимила целиот момент ја сподели со „WFSB News“.

@wfsbnews ‘Bear coming!!!’? A family in #Simsbury, CT had a surprise visitor and caught it all on camera. ?Thanks to Kristin L. for sharing with us. #animals #bears #nature #fyp #wildlife ♬ original sound – wfsbnews

Одделот за енергија и заштита на животната средина (DEEP) изјави дека популацијата на црните мечки во Конектикат драстично се зголемила.

„Со зголемувањето на бројот на мечки во државата, важно е жителите да ги научат фактите за црните мечки и како да коегзистираат со нив“, велат од DEEP, пренесува „WFSB“.