Репрезентацијата на Аргентина со победата против Хрватска се пласираше во финалето на Светското првенство, а финалето ќе биде последен натпревар во дресот на Аргентина за Лионел Меси.

Меси игра фантастично Светско првенство и досега беше „играч на натпреварот“ на четири од шестте натпревари на Аргентинците. Во победата против Хрватска учествуваше со гол и асистенција.

За разлика од ситуациите во натпреварот со Холандија кога натпреварот беше преполн со тензии, сега Меси ја покажа и својата добра страна. Додека даваше интервју со еден новинар Меси го забележа хрватскиот селектор Златко Далиќ и го прекина интервјуто за да го поздрави.