Maкедонија денес доживеа дебакл каков што не паметиме, Англија на „Олд Трафорд“ нè победи со 7:0.

Првите 15-тина минути од натпреварот поминаа мирно без посериозни прилики на двете страни, ние на двапати влеговме во противничкиот шеснаесетник преку Ашковски кој загуби дуел од Мегваер и Трајковски кој испрати нафрлување од десната страна.

Капитенот на Македонија, Стефан Ристовски во 16-тата минута имаше жесток судир со капитенот на Англичаните, Хари Кејн. Ристовски помина полошо во тој дуел, но како вистински борец по неколку минтуи кои беа потребни да се санира повредата се врати на теренот.

Aнглија до водство стигна буквално од првата посериозна прилика кога Лук Шо одлично го пронајде токму Кејн кој го матираше Димитриевски.

Буквално Англичаните ја казнуваа секоја наша грешка, па само осум минути по тој гол на Кејн во листата на стрелците се запиша и Сака. Едноставно во нападот вечерва барем во првите 45 минути избраниците на Герет Саутгејт без безгрешни.

Ние во нашите ретки излегувања на противничката половина не успевавме да влеземе во 100% прилика за гол, а Англија продолжи да ги казнува нашите грешки, па така во листата на стрелци се запиша и третиот напаѓач Маркус Рашфорд. 

Второто полувреме го започнавме со измена во која Ристовски очигледно не можеше да издржи по оној дуел со Кејн, па на негово место влезе Егзон Бејтулаи. Но, тоа на теренот не промени апсолутно ништо, бидејќи Сака во следните пет минути постигна два гола за веќе 5:0.

До крајoт во листата на стрелци се запиша и Филипс, а втор гол и Кејн постигна за конечни 7:0.