ВИДЕО | Далас без Дончиќ славеше против Голден Стејт, блесна неочекуван херој
Tимот на Далас и без услугите на Лука Дончиќ успеа да слави на домашен терен против Голден Стејт (108:106). Во отсуство на Дончиќ блесна Пи-Џеј Вашингтон кој го одигра најдобриот натпревар откако е во Далас.
Натпреварот Вашингтон го заврши со 32 поени, а и го постигна клучниот кош на 4.5 секунди пред крајот.
— Dallas Mavericks (@dallasmavs) April 6, 2024
Одличен беше и Ирвинг кој постигна 26 поени, додека Кари на спротивната страна уфрли 28.
Милвоки неочекувано беше поразен од Торонто со што врза три порази во низа со кои си го загрози второто место на истокот. За Рапторси пак ова беше победа по црна серија која траеше 15 натпревари.
Треба да се спомене и дека Бакс играа без Јанис Адетокумбо. Лилард беше најефикасниот со 36 поени. Во победничкиот состав најефикасни беа Трент со 31 и Барет со 26.
НБА РЕЗУЛТАТИ:
Шарлот – Орландо 124:115
Индијана – Оклахома 126:112
Вашингтон – Портланд 108:102
Бостон – Сакраменто 101:100
Чикаго – Њујорк 108:100
Хјустон – Мајами 104:119
Мемфис – Детроит 108:90
Милвоки – Торонто 111:117
Њу Орлeанс – Сан Антонио 109:111
Далас – Голден Стејт 108:106
Финикс – Минесота 97:87
Л.A Клиперс – Јута 131:102