Баерн Минхен денес ја врза третата победа во низа во Бундеслигата, откако Аугусбург беше совладан со 5:3 и создаде предност од три бода во однос на Борусија Дортмунд која својот натпревар го игра од 18:30 против Шалке.

Аугусбург дојде до предност по само три минути игра со голот на Бериша, но тоа како да ги налути баварците, па следуваа четири гола во мрежата на противникот. Во 15-тата минута Жоао Кансело погоди, потоа два гола постигна Павар во 19-тата и 35-тата, а до крајот на првиот дел во листата на стрелци се запиша и Лерој Сане.

Бериша по еден час игра го постигна својот втор гол, додека Дејвис ја продолжи голедата во 74-тата минута. Конечните 5:3 беа поставени во самата завршница со голот на Кардона.

Лајпциг забелаж сигурна победа против Борусија Менхенгладбах со 3:0, додека преостанатите два натпревари Ајнтрахт – Штутгарт и Херта – Мајнц завршија без победник 1:1.