ВИДЕО: Бостон израмни против Мајами во финалето на Истокот
Кошаркарите на Бостон израмнија на 2:2 против Мајами во финалето на НБА плеј-офот на Источната конференција, откако синоќа победија со 102:82.
Препорачано
Селтикси ги предводеше Џејсон Тејтум со 31 поен, осум скока, пет асистенции и две блокади. Пејтон Причард во победата учествуваше со 14 поени, а Дерик Вајт со 13 поени, осум скока и шест асистенции. Џејлен Браун додаде 12 поени и седум скока, а Роберт Вилијамс 12 поени и девет скока.
Во тимот на Мајами најефикасен беше Виктор Оладипо со 23 поени, со шест асистенции и четири скока. Данкан Робинсон постигна 14 поени, а Кејлеб Мартин 12 поени запишувајќи шест скока. Бем Адебајо го заврши натпреварот со девет поени и шест скока, Џими Батлер со шест поени и седум скока, а Кајл Лори со три поени.
Во тимот од Мајами не беше Тајлер Хиру поради повреда на препоните. „Жешките“ ги промашија првите 15 од 16 шута, а натпреварот беше решен по првата четвртина. Во втората делница Селтикси поведоа со 27 поени, а во третата со 32.
Следниот петти натпревар ќе се игра ноќта меѓу среда и четврток во Мајами.
