Годишната програма не е правена за да води сметка на една ковид ситуација, така што скратувањето на буџетот нема никава врска со ковидот. Сите конкурси, секоја година се траума за себе. Оваа година ништо посебно, не само за овој завршен резултат. Од самиот почеток, кога беше објавен конкурсот, со сето искуство на конкурси за проекти од национален интерес во културата се најдовме во една недоумица, не наоѓајќи простор каде и во кој сегмент да конкурираме. Веднаш побаравме средба со министерката, бидејќи никој во министерството не знаеше да ни даде одговор. Конкурсот е полн со комплетно волунтаристички приоритети и критериуми и некави чудни и непостоечки матрици. Бевме внимателно примени од министерката каде што и кажавме дека ова до сега е најнеписмено напишан конкурс и најнеписмени пријави, без категорија фестивали и манифестации. Во тие критериуми едвај ќе го најдете зборот квалитет, а за традиција да не зборувам, изјави Оливер Белопета, уметнички директор на Скопскиот џез фестивал.

Во Министерството има и вредни луѓе, но и министерката во една своја изјава на телевизија кажа дека била шокиран од она што нашла во самото министерство.

По добивањето на решението ние ќе вложиме жалба. Но излеговме со став дека не сме сме спремни фестивалот да го претвориме во нешто друго и самите да му ја одземеме релевантноста што ја има како еден од најдобрите џез фестивали во Европа и светот. 40-годишното искуство кажува дека тешко е нешто да се подигне и да се однесе до некое ниво, но уште потешко е да се сочува контиунуитетот, а еднаш кога ќе се сруши повеќе не застанува на нозе, вели Белопета.

Целиот разговор погледнете го во видеото: