Познатиот англиски фудбалер Дејвид Бекам објави видео на социјалните мрежи на кое се гледа како работи на своето „уметничко дело“.

Божиќните и новогодишните празници полека се ближат, а Бекам изгледа веќе е во празнично расположение.

Во видеото кое го сподели пред своите фанови, се гледа дека е облечен само во панталони, како прецизно шутира топка намачкана со различни бои, создавајќи слика на новогодишна елка на таблата.

– Денеска направив хаос на работа – напиша Бекам во описот на видеото.

Неговите уметнички дела се импресивни, исто како и неговата фудбалска кариера.