Феноменот „Барбенхајмер“ беше еден од најважните моменти во филмската индустрија за 2023 година. Двајцата актери, Килијан Марфи и Марго Роби конечно се сретнаа и се интервјуираа како дел од најновата емисија на магазинот „Варајети“ .

Килијан и Марго, кои ги играа главните ликови во нивните блокбастер филмови „Барби“ и „Опнехајмер“, разговараа за нивните филмски остварувања ова лето, кои прераснаа во феноменот „Барбенхајмер“.

Марго за време на разговорот со Килијан откри дека продуцентот на „Опенхајмер“ се обидел да ја убеди да го помести датумот на премиерата на „Барби“.

Имено, на 21 јули и двата филма беа премиерно прикажани во кината, а на многумина таа идеја не им се допадна.

„Еден од вашите продуценти, Чак Ровен, ми се јави, бидејќи работевме заедно на некои други проекти. . Јас реков: ‘… Ако се плашиш да бидеш против нас, тогаш ќе го преместиш својот датум’, А тој ми рече:’… Мислам дека е подобро ти да го преместиш’“, раскажа Марго.

Сепак Марго сметала дека двојната премиера е добра идеја и дека нема потреба да се поместуваат датумите.

„Тоа било добар инстинкт“, ѝ одговори Килијан.

На крајот тие се согласија дека одлуката била вистинска и дека на јавноста им се допаднале и двата филма. Килијан додаде дека успехот на двата филма на крајот секогаш зависи од јавноста.

Во долгиот разговор актерите зборуваа и за соработката со нивните режисери и подготовката за нивните улоги, а Марго призна дека на почетокот било тешко да се влезе во улогата на популарната кукла.

Инаку филмот „Опенхајмер“ неодамна надмина 950 милиони долари во заработка, додека „Барби“ стана филм со најголема заработка во 2023 година со повеќе од 1,44 милијарди долари ширум светот.

Во продолжение погледнете го видеото со целото интервју:

Филмот што сите го чекаат: Килијан Марфи јадел по еден бадем дневно за да биде поубедлив Опенхајмер

„Barbie“ руши рекорди: Заработи 155 милиони долари, двојно повеќе од 80-те милиони на „Oppenheimer“

ФОТО | Интересен детаљ во „Barbie“: Ламбите во филмот се на еден регионален дизајнерски бренд

Погледнете што се случува кога ги пребарувате Рајан Гослинг, Маргот Роби или „Barbie“ на Гугл