Баерн Минхен ја задржа предноста на врвот на табелата откако вечерва славеше против Шалке со 0:2 во 15. коло од германската Бундеслига кое е последно пред Мундијалот.

Гнабри го доведе Баерн во водство откако ја искористи одличната акција на неговата екипа во самата завршница. Чупо-Мотинг во последно време добива солидна минутажа, а таа знае и да ја искористи. Откако прво пропушти неколку прилики и денес се запиша во листата на стрелци.

Со оглед на шансите победата на Баерн можеше да биде и поубедлива, но сепак за баварците најважно е што на паузата за Светското првенство заминуваат со победа. На табелата Баерн е лидер со шест бода повеќе од Лајпциг и Унион Берлин.