ВИДЕО: Баерн ја одбрани титулата во најнеизвесната борба за трофејот во Бундеслигата
Пред стартот на последното 34 коло во Бундеслигата, екипата на Борусија Дортмунд беше во „пол-позиција“ за освојување на титулата, со два бода повеќе од Баерн Минхен. „Милионерите“ имаа шанса пред своите навивачи да ја прекинат доминацијата на баварскиот гигант во Германија која трае од сезоната 2012/2013.
Препорачано
Но, играчите на Един Терзиќ одиграа само реми со Мајнц (2:2), а составот на Томас Тухел триумфираше на гостувањето кај Келн (1:2) што беше доволно за одбрана на титулата, вкупно 33 во историјата на Баерн.
Изненадувачки Мајнц стекна предност во 15 минута со погодокот на Ханче-Олсен, потоа во 19 минута домаќините не реализираа пенал преку Але, а казната стигна во 24 минута кога Онисиво зголеми на 0:2 на стадионот „Сигнал Идуна Парк“.
? ?⚪ ??? ???? ????????? ??????? ???? ⚪??#MiaSanMeister #FCBayern #MiaSanMia pic.twitter.com/HIyGnLd46S
— FC Bayern München (@FCBayern) May 27, 2023
Во вториот дел Дортмунд намали во 69 минута преку Гереиро, а во самиот финиш конечниот епилог го постави Зуле (90+6`).
Баерн поведе уште во осмата минута кога стрелаше Коман по асистенцијата на Сане. Во 81 мин следуваше шок за гостите бидејќи Љубичиќ беше прецизен од пенал за израмнување, а ваквиот резултат 1:1 одеше во корист на Борусија Дортмунд. Но, тоа траеше до 89 минута кога Мусијала донесе огромна радост за Баерн и победа која значеше одбрана на титулата. И Баерн и Дортмунд завршија со ист број на бодови, но тимот на Тухел е првопласиран поради подобрата гол разлика.
Во понизок ранг се селат Херта Берлин и Шалке, а Штутгарт ќе игра бараж за опстанок против третопласираниот од втората Бундеслига.
Бундес лига 2022/2023
Последно, 34 коло – резултати:
Борусија Менхенгладбах – Аугсбург 2:0
Бохум – Баер Леверкузен 3:0
Борусија Дортмунд – Мајнц 2:2
Ајнтрахт Франкфурт – Фрајбург 2:1
Келн – Баерн Минхен 1:2
Лајпциг – Шалке 4:2
Штутгарт – Хофенхајм 1:1
Унион Берлин – Вердер Бремен 1:0
Волфсбург – Херта Берлин 1:2
Конечна табела:
1. Баерн Минхен 71 бод
2. Борусија Дортмунд 71
3. Лајпциг 66
4. Унион Берлин 62
5. Фрајбург 59
6. Баер Леверкузен 50
7. Ајнтрахт Франкфурт 50
8. Волфсбург 49
9. Мајнц 46
10.Борусија Менхенгладбах 43
11.Келн 42
12.Хофенхајм 36
13.Вердер Бремен 36
14.Бохум 35
15.Аугсбург 34
16.Штутгарт 33
17.Шалке 31
18.Херта Берлин 29
