Баерн Минхен ја забележа и четвртата победа во низа во најсилното германско првенство откако славеше со 2:3 на гостувањето кај Херта.

Водеше баварскиот гигант од 12 минута со голот на Мусиала по асистенцијата на Мане, а за неполни две минути двапати во листата на стрелците се запиша Чупо-Мотинг.

Домаќинот на стадионот во Берлин не се предаваше, до крајот на првото полувреме успеа само да го ублажи поразот со погодоците на Лукебакио (40`) и Селке од пенал во 45 минута.

Вердер Бремен пред своите навивачи со 2:1 славеше над Шалке, поведоа домаќините со погодокот на Фулкруг во 30 минута. За 2:0 Дукш стрелаше во 76 минута, а во 89 минута единствениот гол за составот на Рејс го реализираше Дрекслер.

Во другите мечеви: Аугсбург – Ајнтрахт Франкфурт 1:2, Борусија Дортмунд – Бохум 3:0, Хофенхајм – Лајпциг 1:3 и Мајнц – Волфсбург 0:3.

Табела:
1.Баерн Минхен 28 бодови
2.Унион Берлин 26
3.Борусија Дортмунд 25
4.Фрајбург 24
5.Ајнтрахт Франкфурт 23
6.Лајпциг 22
—
16.Баер Леверкузен 9
17.Бохум 7
18.Шалке 6