Фудбалерите на Баер Леверкузен рутински го совладаа Кил на гости со 2:0 и ги задржаа шансите да ја одбранат титулата во германското првенство.

Актуелниот првак ги обезбеди бодовите во првите 45 минути. Шик погоди за водство, а конечниот резултат го постави Адли.

Леверкузен е на второто место со 50 бодови, пет помалку од водечкиот Баерн, со напомена дека баварскиот гигант има еден натпревар помалку.

Мајнц продолжи со одличните настапи и сега е на петтото место, барем привремено. Мајнц го скрши отпорот на Сент Паули во последните 20 минути со головите на Лио и Нодел.

Бохум го изненади Волфсбург на гости со 1:0. Машовиќ со гол во 55. минута донесе три златни бода во борбата за опстанок.

Изненадување беше забележано и во Менхенгладбах, каде Аугсбург убедливо победи со 3:0 со хет-трикот на Клод Морис.