Фудбалерите на Аталанта во првиот натпревар од четвртфиналето во Лигата на Европа направи големо изненадување на гостувањето на „Енфилд“ совладувајќи го Ливерпул со убедливи 3:0.

Доста се шпекулира дека сезонава главен приоритет на играчите на Јирген Клоп ќе биде трката за шампионската титула во Премиер лигата.

На мечот против Аталанта дури во второто полувреме кај „црвените“ шанса добија Мохамед Салах, Доминик Шобошлај, Диого Жота, Енди Робертсон и Луис Дијаз.

Тоа го искористи Аталанта која два пати стрелаше преку Скамака во 38 и 60 минута, а конечниот епилог го постави Пашалиќ во 83 минута.

Во италијанскиот дуел во првите 90 минути одиграни на „Сан Сиро“, славеше Рома против Милан со 1:0 со погодокот на Манчини во 17 минута по асистенцијата на Дибала. „Росонерите“ имаа убава шанса да го избегнат поразот, но во 87 минута Чуквезе ја погоди пречката.

На останатите два натпревари, Баер Леверкузен со 2:0 пред своите навивачи го надигра Вест хем, додека Бенфика со 2:1 триумфираше над Марсеј.