Фудбалерите на Арсенал во 14 коло од Премиер лигата на стадионот „Емирати“ во Лондон со 2:1 го совладаа Вулверхемптон.

По првиот дел водеа „топџиите“ со головите на Сака во шестата и Одегард во 13 минута. Во самиот финиш од средбата, Куња го ублажи поразот на гостите.

Брентфорд со 3:1 беше подобар од Лутон, додека Барнли на домашен терен со 5:0 го надигра Шефилд јунајтед.

Головите за Барнли ги постигнаа Родригез, Брун Ларсен, Амдуни, Колеошо и Браунхил.

Арсенал е на лидерската позиција со 33 бодови, четири повеќе од второпласираниот Манчестер сити кој својот меч ќе го има в недела дома против Тотенхем.