За разлика од Факултетот за информатичка технологија и комјутерски науки- ФИНКИ каде денес имаше редици за упис во новата учебната 2023/2024 година, за студии по природни науки интересот е помал. Во Анкетата која ја направи „Слободен печат“ на Факултет за земјоделски науки и храна – Скопје во состав на УКИМ, идните бруцоши велат дека за студирање овде се определиле поради интересот за производство на храна, но и поради традицијата во нивните семејства.

– Мојата фамилија генерации наназад се занимавале со оваа дејност. Сакам да го зголемам производсството на храна во земјава. Кога ќе дипломирам сакам да работам и на квалитетот на храната- велат идните студенти.

Продеканката за настава на ФЗНХ, Ромина Кабранова за „Слободен печат“ вели дека последните години е намален интересот за упис на овој факултет, но во однос на населението бројката од стотина студенти сосем ја задоволува потребата од овој кадар на ниво на држава.

– Државата треба повеќе да води сметка за оваа професија што се случи неодамна и од минатата година Министертсвото за образование и наука овозможи за добри студенти со просек над 8 стипендија од 18.000 денари- вели Кабранова.

Според неа важно е што младите ја сфаќаат важноста на секторот земјоделство и производството на храна кои се значјни за економијата на нашата земја.

Погледнете ја целата анкета на „Слободен печат“  и интервјуто со продеканката за настава на ФЗНХ, Ромина Кабранова на нашата  колешка Агнеса Чаволи.