ВИДЕО: Американската екстремно десничарска група забранета во Австралија како терористичка
Австралиските власти денеска објавија дека ја додале американската екстремистичка десничарска група Националсоцијалистички поредок на листата на забранети терористички организации и дека планираат да го вклучат и палестинскиот Хамас бидејќи расте загриженоста за радикализација на децата.
-Националсоцијалистичкиот поредок, познат како Атомвафен дивизија, им се придружува на исламистичките групи Хајат Тахрир ал-Шам и Хурас ал-Дин на листата на забранети организации, рече министерката за внатрешни работи Карен Ендрјус.
Военото крило на Хамас, Бригадите на Хамас, Из ал-Дин ал-Касам, се води како терористичка организација од 2003 година.
Со Националсоцијалистичкиот поредок кој се залага за глобална „расна војна“ и колапс на демократските општества, бројот на забранети групи во Австралија се искачи на 28.
Две исламистички групи, двете активни во сириската граѓанска војна, ќе бидат додадени на списокот во април.
„Ставовите на Хамас и насилните екстремистички групи наведени денес се длабоко вознемирувачки и нема место за такви ставови во Австралија“, рече Карен Ендрјус.
Австралиската безбедносна разузнавачка организација минатата недела соопшти дека ограничувањата воведени поради пандемијата на коронавирусот придонеле за зголемување на радикализацијата на Интернет во последниве години, бидејќи изолираните луѓе поминуваат повеќе време на интернет.
Процентот на нови истраги против тероризмот во кои се вклучени малолетници е зголемен од помалку од три на 15 отсто за само неколку години, додава организацијата.
Извор: Бета