Британско-канадскиот научник – често нарекуван „кум“ на вештачката интелигенција – Џефри Хинтон, дополнително ги намали шансите на човештвото да избегне катастрофа предизвикана од вештачката интелигенција во следните триесет години. Тој предупреди дека брзината на развојот на технологијата е „многу поголема од очекуваната“.

Професорот Џефри Хинтон кој оваа година доби Нобелова награда за физика за неговиот придонес во вештачката интелигенција, процени дека има од 10 до 20 проценти шанси вештачката интелигенција да предизвика истребување на човечкиот вид во следните три децении. Претходно тој веруваше дека оваа веројатност е околу 10 проценти.

Во разговорот на BBC Radio 4, на прашањето дали ја намалил својата претпоставка за потенцијалната апокалипса на човештвото поради вештачката интелигенција, Хинтон одговори:

„Не баш, од 10 на 20 проценти“.

На забелешката на поранешниот канцелар Саџид Џавид, дека ја „зголемил проценката“, Хинтон рече:

„Никогаш порано не сме морале да управуваме со нешто поинтелигентно од нас самите. Колку примери знаете каде што помалку интелигентно суштество успешно контролира поинтелигентно? Многу малку. Постои примерот со мајка и дете, каде што еволуцијата направила многу за да му дозволи на детето да ја контролира мајката, но тоа е единствениот пример кој ми паѓа на памет“.

Хинтон ја спореди човечката интелигенција со моќните системи на вештачка интелигенција:

„Сакам да размислувам вака: замислете се себеси и тригодишно дете. Ние ќе бидеме тригодишното дете.“