Екипата на Вардар ќе игра против шпанскиот гигант Барселона во полуфиналето на фајнал фор турнирот во Келн. Во второто полуфинале ќе се сретнат екипите на Киелце и Веспрем.

Вардарци кои сезонава веќе играа со Барселона и на двата натпревари славеше шпанскиот тим, прво во Скопје беше 26:30, додека во вториот дуел победата беше изразена со осум голови разлика, 34:26.

Интересно е што Вардар, во 2017 година кога ја освои титулата, во полуфиналето ја елиминира токму Барселона, а потоа во финалето го совлада и ПСЖ.
– Сите четити екипи имаат подеднакви шанси за титулата. На Барселона им ја препуштаме улогата на фаворит но не се предаваме. И за нас и за нив е исто, се игра еден натпревар на кој се може да се случи – изјави капитенот на „црвено-црните“, Стојанче Стоилов.