Денеска во последниот натпревар од машката ракометна Суперлига на Македонија екипата на Вардар 1961 триумфираше над Тиквеш со резултат 37:25.

Најефикасни во победничките редови беа Филип Талески и Тимур Дибиров со по 10 голови, а на спротивната страна Страхиња Симиќ реализираше седум.

На тој начин скопските „црвено-црни“ ја обезбедија 15 титула во својата клупска историја. Воедно ја комплетираа двојната круна откако претходно беа најдобри сезонава и во националниот Куп.

Играчите предводени од тренерот Давид Дејвис ја задржаа предноста од еден бод зад најголемиот конкурент за тронот, Е. Пелистер. Клучна победа за вардаровите играчи беше онаа во Битола на 1 мај против составот на Жељко Бабиќ (23:26).

Зад Вардарци на вечната листа освојувачи на трофеи во првенството во нашата земја се Металург и Пелистер со по шест титули, а по една имаат Борец и Преспа.

Официјално: Французите ќе го напуштат Вардар, како и Додиќ и Валчак