Од следната натпреварувачка сезона 2021/2022 се најавува дека ракометниот клуб Вардар 1961 ќе има нов тренер.

Како што информира „Спортмедиа“, Стевче Алушовски по завршување на сезоната повеќе нема да биде тренер на клубот.

До крајот на оваа сезона ќе се обиде да ја освои титулата во домашниот шампионат, како и во Купот.

Во Лигата на шампионите вардарци беа елиминирани во осминафиналето со два убедливи порази од унгарскиот Веспрем.

Воедно е познато дека на крајот од сезоната клубот ќе го напуштат Иван Чупиќ, Марко Кизиќ и Робин Кантегрел, а нови засилувања се Дарко Ѓукиќ, Едуардо Гурбиндо, Анте Кудуз, Јан Чувара и Мартин Томовски.