Околу 33.000 Романци се откажаа од доза на анти-ковид вакцината „АстраЗенека“ во само еден ден, јавија романски медиуми. Според весникот „Журнал“, тоа се должи на стравот од несакани ефекти од вакцината која е тема на огромни полемики.

Координаторот за вакцинација во Романија, Валериу Георгита изјави дека во изминатите 24 часа се откажани 33.000 вакцинации со „АстраЗенека“ од вкупно закажаните 448.896.

– Во моментот во центрите за вакцинација каде се аплицира „АстраЗенека“, имаме голем број на луѓе кои се откажаа од вакцинација со таа вакцина. Бројот на закажани вакцинации со „АстраЗенека“ е 446.896, изјави тој.

Властите во државата продолжуваат со вакцинација на „АстраЗенека“ се додека не добијат мислење од Европската агенција за лекови.