Петрињското епицентрално подрачје од 28 декември го погодија 374 земјотреси, а дури 109 во последните два дена, покажуваат прелиминарните податоци кои денеска ги објави Геофизичкиот отсек на Природно – математичкиот факултет во Загреб.

Првиот земјотрес на подрачјето на Петриња е забележан на 28 декември, со јачина од 5 степени по Рихтер во 06.28 часот.

Најсилниот потрес ги погоди Петриња, Глина и Сисак утредента, на 29 декември, во 12.19 часот со јачина од 6,2 степени, со епицентар 5 километри југозападно од Петриња на длабочина од 11,5 километри, пренесе агенцијата Хина.

По тој потрес, подрачјето до 31. декември го погодина 265 земјотреси посилни од 1 степен.

На Нова година тоа подрачје се затресе 69 пати, а на 2. јануари до 14 часот се забележани 40 земјотреси.

Мистеријата на раседите: Снимките откриваат зошто земјотресот го уништи градот Петриња, и какви поместувања настанале