Манијакот кој во неколку наврати се самозадоволувал пред девојчиња во автобуси и на други јавни места ја призна вината и се покаја за стореното. Тој вети дека нема да го повтори делото и побара ублажување на казната.

Судијката Љубинка Башевска која го води случајот ги зема предвид возраста, семејната материјална состојба, извинувањето и каењето и смета дека му е потребна лекарска помош. Од таа причина, обвинетиот е ослободен, но со предупредување дека ако направи исто или случно дело ќе заврши во затвор.

Манијакот Сонер Арсла има 30 години, роден е во Турција. Најмладата жртва на Сонер има 19 години, додека највозрасната 24 години.

МВР пред една недела информираше дека лицето С.А(30) е осомничен дека во неколку наврати се самозадоволувал пред женски лица.

Тој беше задржан во полициска станица и во присуство на Јавен обвинител било извршено негово препознавање од страна на оштетените.

Поднесена беше е кривична пријава, а од страна на судија му беше определена мерка притвор.