Серена Вилијамс имаше 20 аса и сега ја чека победничката од мечот Викторија Азаренка (Белорусија)-Елиз Мертенс (Белгија), закажан за 01.00 часот по полноќ.

Третпат по ред, американската тенисерка Вилијамс направи пресврт на грен слем турнирот „УС Опен“, а сега успеа да се пласира во ново полуфинале на најголемите натпреварувања.

Најдобрата тенисерка на сите времиња во третото коло го загуби првиот сет против Слоун Стивенс, во осминафиналето имаше брејк минус во третиот сет, а денеска Цветана Пиронкова од Бугарија го доби првиот дел од играта со 6:4, а потоа на стартот на вториот направи брејк.

Тоа не помогна, бидејќи Американката како една од главните фаворитки за титулата годинава славеше со 4:6, 6:3 и 6:2. Серена нејзината последна 23 грен слем титула ја освои во јануари 2017 година на „Австралија опен“.

Оттогаш Вилијамс ја брка 24 „круна“, со која би се израмнила со рекордерката Маргарет Корт, а дури четирипати беше запрена на последната пречка, двапати на „УС Опен“ во 2018 загуби од Наоми Осака, а лани од Бјанка Андреску.

И сега би можела да ги одмери силите против Јапонката Осака која во полуфиналето ќе игра против Џенифер Брејди (САД).

За Пиронкова „УС Опен“ е завршен, но таа дефинитивно останува хероина. За нејзе ова беше прв турнир после три години и два месеци после повредата на рамото и мајчинската пауза, а сега во Њујорк го направи најголемиот успех.

Позната првата полуфинална двојка кај мажите, нова рутинска победа на Осака