Украинските сили добија наредба да се повлечат од Северодонецк на истокот на земјата, каде што се водат жестоки битки со руската армија, соопшти денеска регионалниот гувернер.

„Украинските вооружени сили ќе мора да се повлечат од Северодонецк. Тие добија таква наредба“, изјави на својот налог на социјалната мрежа Телеграм Серхи Гајдаи, гувернер на Луганск, регион во кој се наоѓа овој стратешки важен град.

❗️ This is how one of the bridges Severodonetsk-Lysichansk looks like.#Ukraine #Severodonetsk #Lisichansk #Ukraine️War #UkraineInvasion #RussianUkrainianWar #Russia pic.twitter.com/FBGvV41N46

— Lord_ETH (@hisoka_lord) June 23, 2022

Северодонецк, во источна Украина, веќе неколку недели е главниот регион на вооружени судири меѓу украинската армија и руските сили и и проруските сепаратисти.

„Веќе нема смисла да се остане на позиции кои постојано се гранатирани со месеци“, додаде Гајдај.

Тој рече дека „сета основна инфраструктура е уништена, дека 90 проценти од градот е оштетен и дека 80 проценти од зградите се оштетени до тој степен да ќе мора да се урнат“.