Трговски брод под странско знаме бил погоден од руски проектил во опколениот јужен украински пристанишен град Мариупол, изјави денеска украински официјален претставник.

Машината на товарниот брод Азбург под знаме на Доминика бил погоден од проектил истрелан од руската морнарица во понеделникот вечерта, изјави заменик-шефот на Украинската поморска управа Виктор Вишнов.

„Бродот изгоре и сите 12 членови на екипажот беа евакуирани на друг брод. На еден член на екипажот му беше потребна медицинска помош и тој беше евакуиран“, изјави тој за Ројтерс. Тој рече дека не знае дали бродот превезувал некаков товар.

Британската безбедносна компанија Ambrey Intelligence објави дека бродот пристигнал во Мариупол на 23 февруари и не можел да ги напушти украинските води поради затворањето на пристаништето.

Украина соопшти дека се подготвува да повика околу 60.000 руски резервисти да ја засилат офанзивата на Москва кон исток, каде главни цели на Русија се Мариупол и Харков.