Украден автомобил со дете на задното седиште во центарот на Загреб, детето е најдено полицијата трага по крадецот
Непознат маж украл автомобил во Загреб со дете на задното седиште, а полицијата се уште ги утврдува сите околности на кражбата што се случила вчера околу 17 часот на Максимир и трага по крадецот. Како што пишува Дневник.хр, автомобилот бил украден вчера попладне на улицата Буковачка.
Глетката на преплашениот маж кој трча по автомобилот не ја пропуштиле неколку минувачи, а за Дневник.хр сведочела жена која случајно се нашла на местото. Таа изјавила дека таткото го оставил автомобилот да работи пред пекарницата.
„Ги вклучи сите четири трепкачи. Влезе во пекарницата, а неговото невнимание го искористи крадец кој го украде автомобилот, но со дете на задното седиште. Во целосен шок сум“, изјавила жената.
Детето набрзо било пронајдено неповредено недалеку од пекарницата, а истрагата е во тек, како и потрагата по избеганиот крадец, велат од полицијата за Дневник.хр.