УЕФА ги објави тројцата кандидати за најдобар фудбалер во Европа
Европската фудбалска куќа (УЕФА) на својата веб-страница ги објави имињата на тројцата преостанати кандидати за фудбалер на годината во Европа.
Белгиецот Кевин де Брујн (Манчестер сити), Италијанецот Жоржињо и Французинот Н’Голо Канте (двајцата од Челси) останаа во игра за престижната награда, која ќе биде доделена на 26 август во текот жрепката за групите во Лигата на шампионите.
Тројцата најдобри Европејци ги избраа селекторите на 24 репрезентации од Европското првенство, 80 тренери на клубови кои играа во групната фаза од Лигата на шампионите и Лига Европа и 55 новинари, по еден од секој член на УЕФА.
Во конкуренција за најдобра фудбалерка во Европа останаа Лике Мартенс од Холандија, Хенифер Хермосо и Алексија Путелас од Шпанија.
🏅 The nominees for the 2020/21 UEFA Men's Player of the Year award has been announced. Which midfielder gets your vote?#UEFAawards
— UEFA (@UEFA) August 19, 2021
Шпанецот Пеп Гвардиола (Манчестер Сити), италијанскиот тренер Роберто Манчини и Германецот Томас Тухел (Челси) останаа во игра за признанието за тренер на годината.
Доделувањето на наградите ќе се одржи следниот четврток во Истанбул, Турција.