Убиствена молња: „Ф-35“ е прв стелт-ловец со сертификат да носи термонуклеарни бомби
Американскиот борбен авион „ф-35а“ е првиот ловец со стелт техологија што добил официјален сертификат да носи нуклеарно оружје.
Борбениот авион од петтата генерација сега има дозвола да носи гравитациски термонуклеарни бомби од типот „б61-12“.
Иако било најавено дека сертификатот може да се очекува во јануари годинава, тој бил постигнат уште на 12 октомври минатата година. Холандското воено воздухопловство во ноември потврди дека добила „почетен сертификат за мисија за одвраќање“ за авионите „ф-35а“ што му се на располагање на НАТО. Холандија нема нуклеарно оружје, но доктрината „нуклеарно споделување“ им овозможува на членките на Алијансата да се опремат со атомски бомби.
Холандски авиони од типот „ф-16“ веќе имаат капацитет да носат бомби од семејството „б-61“. Планирано е новата верзија „12“ да ги замени постарите модели на нуклеарната бомба. Нема официјална потврда кога тие ќе им бидат испорачани на европските сојузници, што не значи дека тоа веќе не е направено.