Македонската младинска фудбалска репрезентација до 21 година ги дозна ривалите во квалификациите за пласман на Европското првенство во 2027 година кое ќе се одржи во Србија и Албанија.

Нашите фудбалски надежи ќе играат во квалификациската група Е заедно со селекциите на Италија, Полска, Шведска, Црна Гора и Ерменија.

Деветте победници на групите и една најдобро второпласирана репрезентација (не сметајќи ги резултатите против шестопласираните селекции) директно ќе се квалификуваат на завршниот турнир за да им се придружат на Албанија и Србија.

Осумте други второпласирани ќе се натпреваруваат во плеј-офот за да ги одредат четирите преостанати патници на ЕП.

Првите мечеви од квалификациите ќе се играат во периодот од 17 до 25 март 2025 година.

Квалификации за ЕП 2027:

Група А: Шпанија, Романија, Финска, Косово, Кипар, Сан Марино
Група Б: Португалија, Чешка, Бугарија, Шкотска, Азербејџан, Гибралтар
Група Ц: Франција, Швајцарија, Исланд, Фарски Острови, Луксембург, Естонија
Група Д: Англија, Република Ирска, Словачка, Молдавија, Казахстан, Андора
Група Е: Италија, Полска, Шведска, Македонија, Црна Гора, Ерменија
Група Ф: Германија, Грузија, Грција, Северна Ирска, Летонија, Малта
Група Г: Холандија, Норвешка, Словенија, Израел, Босна и Херцеговина
Група Х: Украина, Хрватска, Унгарија, Турција, Литванија
Група И: Данска, Белгија, Австрија, Велс, Белорусија