Турски разузнавачи ликвидираа осомничен кој наводно го испланирал терористичкиот напад во Истанбул
Турската национална разузнавачка агенција (МИТ) во средата на северот на Сирија го неутрализирала терористот на ПКК/ЈПГ, Халил Менџи, планерот на терористичкиот напад во Истанбул во ноември 2022 година, јавува државната новинска агенција „Анадолија“.
Како што наведуваат безбедносните извори, Менџи ги надгледувал извршителите на бомбашкиот напад во Истанбул, Алхам Албашир и Билал Хасан, а потоа му помогнал на Хасан да побегне во странство.
Менџи е неутрализиран во специјална операција во градот Камишли во североисточна Сирија, кој е под контрола на ПЈД/ЈПГ.
Тимот за специјални операции на МИТ го следеше Менџи, откако се дозна дека е во контакт со челниците на ЈПГ.
Организацијата ЈПГ/ПКК на 13 ноември 2022 година го изведе терористичкиот напад во преполната улица „Истиклал“ во Истанбул во кој загинаа 6, а 81 лице беа повредени.
#update At least six people were killed and dozens injured in an explosion in a crowded area of the Turkish city centre of #Istanbul.#Taksim #Turkey #تركيا #اسطنبول #تقسيم pic.twitter.com/UqXT8xlShf
— Siraj Noorani (@sirajnoorani) November 13, 2022
Турската полиција објави снимка од апсењето на жената, осомничена за терористичкиот напад во Истанбул.
На видеото се гледа како специјалните полициски сили влегуваат во стан, ѝ ставаат лисици на жената и ги претресуваат просториите, откривајќи, меѓу другото, и оружје.
Taksim istiklal caddesine bombayı bırakan kadın terörist yakalandı. İşte yakalanma anı… #SonDakika #taksimpatlama #taksim #istiklalcaddesi pic.twitter.com/BrRD5A5RPr
— İsmail Umut Arabacı (@ismailumut) November 14, 2022
Терористичкиот напад со бомба во центарот на Истанбул се случи точно седум години по серијата напади на екстремистите на Исламска држава во Париз на 13 ноември 2015 година, кога во париските кафулиња, театарот „Батаклан“ и на Националниот стадион беа убиени 130 луѓе.