Април е совршено време да внесете боја во вашиот двор, а висечките саксии со цвеќе се совршен начин да го оживеете. Напролет природата секојдневно не изненадува со побогати бои, а април е идеалниот момент да ја внесете таа убавина во вашиот двор.

Според Кралското хортикултурно друштво, овој месец е совршен за садење во висечки саксии, бидејќи почвата е доволно влажна и топла за да им даде силен почеток на младите растенија. Висечките саксии не само што додаваат шарм на влезовите, терасите и оградите од вашиот дом, туку внесуваат и разиграност со бои, мириси и текстури.

Петунија

Првовот цвеќе препорачано за садење во април се петуниите. Нивните богати нијанси обезбедуваат вистински огномет на бои, а поради нивниот висечки раст, тие се идеални за садење во висечкки саксии.

Вербена

Цврсто растение кое го сака сонцето и обилно цвета од пролет до есен. Неговите нијанси варираат од интензивна виолетова до нежни пастелни тонови, а неговиот компактен раст го прави совршен за корпи.

Калибрахоа

Познато и како „милион ѕвона“. Ова растение не бара многу – успева и на сонце и на сенка, обилно цвета, а не бара ни отстранување на мртвите цветови. Се сее во затворен простор, а надвор се пресадува само кога ќе поминат студените денови.

Ако почнете да планирате сега во април, вашите висечки саксии ќе бидат вистинско дворно ремек-дело до летото.