На Светското првенство во Катар, ФИФА воведе некои новини во однос на судењето, а можеше да се забележи дека арбитрите почнаа да додаваат повеќе време на судиското надополнување. Така, на трите натпревари, кои се одиграа во понеделникот, вкупното судиско надополнување изнесуваше 59 минути.

Натпреварот меѓу Англија и Иран беше продолжен за вкупно 24 минути. Бразилскиот судија Рафаел Клаус надомести 14 минути во првото полувреме, а причина беше повредата на првиот голман Иран Бејранванд. Во вториот дел видовме пет гола, а видовме судиско надополнување од 10 минути.

Мечот меѓу Холандија и Сенегал беше продолжен за 10 минути, две во првото и осум во второто полувреме.

There have been ?? ??????? of added time across the three World Cup games today. ?

England v Iran: ?? ????
Senegal v Netherlands: ?? ????
USA v Wales: ?? ???? pic.twitter.com/i6SfUeFAhc

— CBS Sports Golazo ⚽️ (@CBSSportsGolazo) November 21, 2022

Дуелот меѓу Велс и САД судијата го продолжи 13 минути, четири минути во првото и девет во второто полувреме. Така, судиите продолжија вкупно 47 минути, но играта беше продолжена по неколку минути на секој натпревар, па се одиграа вкупно 59 минути во три натпревари.

Одлука на судискиот комитет на ФИФА –

Овие правила ги објави првиот човек на судискиот комитет на ФИФА, Пјерлуиџи Колина уште пред да започне Мундијалот.

– Им кажавме на сите да не се чудат кога четвртиот судија ќе покаже голема бројка на семафорот. Доколку сакаме поактивна игра, мора да бидеме подготвени на овие надополнувања. Сакаме прецизно да го пресметаме изгубеното време – објасни Колина во интервјуто за „ЕСПН“.