Жереми Тото, летното засиување на Вардар кој игра одлично на стартот од новата сезона, смета дека утрешниот натпревар против Монпелје во четвртото коло од Лигата на шампионите, нема да биде воопшто лесен.

Францускиот ракометар смета дека одбраната ќе биде клучот за победата над Монпелје кој во претходното коло го совлада германскиот Кил со 37:30.

– Само со цврста одбрана можеме да го добиеме Монпелје. Мораме да бидеме на највисоко ниво од првата до последната минута на натпреварот. Поразот од Сесон не е нешто што треба пресериозно да се земе во предвид, Монпелје е моќен тим што неодамна го победи Кил. Играат брзо, имаат одлични крила и јасно ни е дека нема да биде лесно – вели Тото.