Поранешниот тренер на Работнички, Тони Симиќ од денеска е нов тренер на сениорската екипа на Академија ФМП.

Станува збор за тренер кој своето прволигашко искуство го започна во екипата на Работнички, каде што помина и голем дел од својата играчка кариера.

– Пред сè благодарност до управата на клубот за укажаната доверба, да бидам нов тренер на Навико Академија ФМП. Не чека доста работа во периодот кој следува и мислам дека овој тим има потенцијал за подобри резултати од моменталните, со одредени промени во играчкиот кадар. Оптимист сум како и секогаш, со напорна работа и максимална посветеност на сите во клубот, резултатите ќе дојдат сами по себе на крајот – изјави Симиќ.

Клубот се заблагодарува на досегашниот тренер Божиноски за постигнатите успеси и истиот останува дел од клубот и од стручниот штаб со изменета улога од досегашната.

На табелата во Првата македонска кошаркарска лига составот на ФМП Академија е на 10 позиција со 14 бодови.