НФЛ легендата Том Брејди потпиша договор на 10 години вреден 375 милиони долари со „Фокс Спортс“.

Славниот „квотербек“ кој имаше богата кариера како играч, ќе биде аналитичар на оваа американска телевизија, односно ќе биде најскапо платен аналитичар на светот.

– Том не само што ќе ги покрива најголемите НФЛ натпревари заедно со Кевин Буркхард, туку ќе ја има улогата на амбасадор и ќе промовира различни настани.

Чест ни е што ја прифати нашата понуда – велат на официјалниот сајт на неговиот иден работодавец.

Иако веќе има 44 години, Брејди одлучи да игра барем уште една сезона во НФЛ, иако претходно објави дека ќе ја заврши кариерата.

„Возбуден сум, но сè уште имам недовршена работа со Тампа Беј Баканиерс – рече Брејди.