Тениските асови шокирани: Не сакаме вакви работи
Бројни реакции по дисквалификацијата на Новак Ѓоковиќ од УС Опен.
Најдобриот тенисер на светот е исфрлен од грен слем турнирот во Њујорк откако ненамерно погоди линиски судија. Ѓоковиќ фрустриран од загубата на гемот, го удри топчето кои заврши во линиската судијка зад него, по што супервизорот на УС Опен одлучи да го дисквалификува првиот носител на турнирот.
Препорачано
Овој потег предизвика голем број на реакции, а меѓу првите се јави и поранешната најдобра тенисерка Жастин Анин која сега работи како коментатор.
– Во светот на тенисот ова е гол шок. Веќе утре ќе се насочиме кон иднината, животот оди понатаму, но во тенисот не сакаме да гледаме вакви работи. Нормално, Ѓоковиќ немаше намера да го повреди линискиот судија, станува збор за несреќен случај, но одлуката е добра. Немаа поинаква можност во одлучувањето освен да донесат ваква одлука. Сите знаевме дека станува збор за Новак, но правилата се јасни и доколку не беше во прашање најдобриот тенисер на светот туку некој друг, оваа одлука ќе ја сметавме за нормална – рече Анин.
Со своја реакција се јави и Мартина Навратилова.
– Неверојатно е тоа што се случи на УС Опен, Новак Ѓоковиќ е дисквалификуван поради невнимателно но во исто време и бесно удирање на топчето кое ја погоди линиската судијка во вратот. Официјалните лица немаа друг избор – изјави Навратилова, а свој коментар имаше и легендарната Били Џин Кинг која објави дека правилата се јасни во ваков случај.
Here are my thoughts on the Novak Djokovic default.
First I hope the line judge is okay.
The rule is the rule. It is unfortunate for everyone involved, but in this specific situation the default was the right call. #USOpen
— Billie Jean King (@BillieJeanKing) September 6, 2020
Поранешниот светски рекет број два, Алекс Коречја исто така беше шокиран од одлуката на организаторот.
– Скаменет сум како и сите останати, ова е апсолутно неочекувана работа. Неверојатно е како еден сантиметар не одлучува само еден меч туку одлучува и за иднината на спортот, историјата на спортот. По загубени неколку важни поени, Новак го загуби фокусот, не ги контролираше емоциите и за жал немаше среќа бидејќи ја погоди линиската судијка. Правилата се јасни во таков случај, мораа да го дисквалификуваат, штета – вели Коречја.
