Пејачот Дино Мерлин ретко кога во јавноста ја покажува својат сопруга Амела со која има две деца, а нивната љубовна приказна е навистина интересна.

Како што и пејачот еднаш сам кажа, пред бракот биле во врска скоро пет години.

– Со својата сопруга Амела сум од седумдесетите години и уште ми е убаво. Немам проблеми, ниту скандали. Всушност не сме во брак толку години, бидејќи пред тоа се забавувавме скоро пет години – се потсетил Мерлин.

Тоа било љубов на прв поглед. Пејачот се сеќава и на датумот, тоа било на 08.08.1979 година.

Родителите на Амела биле против нејзината љубов со Дино, бидејќи тој бил сиромашен, а таа студирала архитектура и имала од птица млеко.

– Се боревме, се криевме, но никој не можеше да не раздели. По пет години тајно се венчавме. Беше тоа романтична венчавка, иако ја „киднапирав“ мојата жена. Покрај нас беа само мојот кум и сестрата на Амела која беше исто така кума. Говорот на матичарот беше предолг, постојано погледнував накај вратата да не влезе некој и ни ја расипе среќата.

По венчавката бевме на брачно патување во Дубровник, а кога се вративме се преселивме кај мојата мајка и веднаш го почуствуавме ударот. Мене ме чекаше голема одговорност за семејството и тешка работа, а родителите на Амела беа толку лути што половина година не сакаа ништо да слушнат за неа – се сеќава Мерлин и додава:

– Но, ете, времето лечи се, па денеска родителите на Амела ме сакаат и повеќе од што заслужувам.

Вели дека никогаш нема да го заборави моментот кога после првата турнеја по Југославија, дома се вратил со празни џебови и гладен.

– Мојата жена стоеше на вратата, ме пречека со бебе. Наида можеби имаше пола година, а сопругата Амела тогаш ја завршуваше архитектурата. Тивко ме праша: „Дали ни донесе нешто? Немам за млеко“. Јас немав ниту еден денар во мене. Не донесов ништо, зошто ништо не заработив. Имаше големи трошоци. Ќе дадев се ако можев таа вечер да и кажам: „Да, донесов 100 марки“ – рекол Мерлин за медиумите.