Светската здравствена организација (СЗО) активно работи со руската страна на одобрување на вакцината Спутник V и во февруари ќе испрати нова инспекција во Русија за да ги процени условите за производство, изјави регионалниот директор на СЗО за Европа, Ханс Клуге. 

Во интервју за агенцијата ТАС, Клуге потврди дека забрзано соработува со руските власти за издавање дозвола за итна употреба на вакцината Спутник V.

– Тоа е ветувачко, но и многу неопходно. Мисијата на СЗО која работи со националното регулаторно тело моментално е во Москва, а следната инспекциска посета ќе биде во февруари. Се чини дека се е вратено на вистинскиот пат – истакна Клуге.

Тој оцени дека тоа е вообичаена процедура и изрази оптимизам, кој, како што рече, го споделува со него и генералниот директор на СЗО, Тедрос Аданом Габријесус.