Госпоѓо министерке, ако во Белград се среќавате само со оние кои се одговорни за оваа ситуација, не ја зајакнувате Европа – туку пропагандата на оние кои ја презираат Европа. Австрија повеќе не смее да молчи. Европа повеќе не смее да ја врти главата, апелираше заменик-претседателот на Партијата за слобода и правда, Борко Стефановиќ до австриската министерка за европски прашања Кладуја Плаколм, која во наредните денови е во посета на Србија, објави Нова.рс.

„Ве молиме госпоѓо министерке – не ги затворајте очите пред реалноста. Денес, Србија повеќе не е демократска држава, туку систем на репресија и корупција, кој го изгради Александар Вучиќ и неговата СНС“, нагласи Борко Стефановиќ.

Стефановиќ изјави дека „новинарите во Србија се изложени на закани, опозициските лидери се криминализирани, студентите се тепаат, а независните медиуми се цензурирани“.

„Полициската бруталност, политичката контрола и пропагандата го обликуваат секојдневниот живот на земјата која, 25 години по падот на Милошевиќ, се врати во авторитаризам. Австриските компании исто така страдаат од корупција, уцени и политичка самоволност во Србија. А повеќе од 300.000 Срби што живеат во Австрија ги користат структурите на Вучиќ како политички инструменти, со цел да дејствуваат против интересите на Австрија“, рече заменик-претседателот на Партијата за слобода и правда.