В четврток во Букурешт најдобрата македонска репрезентација ќе ги стартува квалификациите за пласман на Светското првенство во Катар 2022.

Нашите фудбалери ќе играат против Романија, а овој меч (20.45 часот) ќе го суди Фабио Верисимо од Португалија.

Во минатото двапати ѝ судел на македонската селекција до 17 години, во евроквалификациите 2017, реми против Италија (0:0) и пораз од Србија (3:1).

Европската фудбалска куќа (УЕФА) му додели нова задача и на еден од нашите најпознати арбитри, Александар Ставрев.

Утре од 20.45 часот ќе дели судиска правда на квалификацискиот натпревар за СП во Никозија каде што Кипар е домаќин на Словачка. Помошници на Ставрев ќе бидат Дејан Костадинов и Гоце Петрески, а четврти судија е Игор Стојчевски.

Јанков: Чест и задоволство е да се биде дел од репрезентацијата