Украинскиот тенисер Серхеј Стаховски експресно реагираше на изјавата на Рафаел Надал дека не е фер руските тенисери да не можат да настапат на Вимблдон.

Надал пред настапот на турнирот од серијата мастерс 1000 во Мадрид, рече дека руските и белоруските тенисери не се виновни за војната во Украина и дека „не е фер тие да бидат казнети“ со исфрлање од најпрестижниот тениски турнир, Вимблдон.

На оваа изјава реагираше Стаховски кој по руската инвазија врз Украина, се приклучи на територијалната одбрана на неговата земја.

– Се наптреварувавме заедно, игравме еден против друг на турнирите. Кажи ми, дали е фер што украинските тенисери не можат да се вратат дома? Дали е фер што украинските деца не можат да играат тенис? Дали е фер што умираат Украинци? – напиша Стаховски на својот профил на Твитер.

@RafaelNadal we competed together.. we’ve played each other on tour. Please tell me how it is fair that Ukrainian players cannot return home? How it is fair that Ukrainian kids cannot ply tennis? How is it fair that Ukrainians are dying ? https://t.co/l3bZtBEfsU

— Sergiy Stakhovsky (@Stako_tennis) May 2, 2022